Бавяць час з задавальненнем

  • Наталля Вілента., Голас Любаншчыны 67/2018 от 02 ноября 2018 Скачать номер 02 ноября 2018 08:38 Калейдоскоп Беларуская

    З панядзелка ў школьнікаў пачаліся восеньскія канікулы. І адразу ж на базе некаторых устаноў адукацыі раёна сталі дзейнічаць лагеры з дзённым прабываннем, каб рабяты маглі з карысцю і пад наглядам праводзіць вольны час.

    Так, аздараўленчыя пля-цоўкі функцыянуюць у Гімназіі №1, першай і трэцяй гарадскіх школах, Забалацкім, Малагарадзячыцкім, Соснаў-скім №2, Стараюрковіцкім, Смольгаўскім вучэбна-педагагічных комплексах, Рэдкавіцкай і Соснаўскай №1 СШ. З 29 кастрычніка па 3 лістапада там адпачываюць 230 дзяцей, у асноўным пачатковых класаў. Для іх арганізавана змястоўная выхаваўчая праграма. Напрыклад, у СШ №1 г. Любані яна пабудавана такім чынам, што дзяўчынкі і хлопчыкі штодзень быццам вандруюць па розных тэматычных станцыях: «Музычнай», «Спартыўнай», «Дружнай», «Кніжнай» і іншых. У Гімназіі №1 рабяты кожную раніцу сустракаюцца з доктарам Здаравейкам, які распавядае пра шкодныя звычкі і іх уплыў на самаадчуванне, як берагчы зрок і г.д. У Малагарадзячыцкім ВПК ДС-СШ, Смольгаўскім ВПК ДС-БШ шэраг мерапрыемстваў прысвечана Году малой радзімы. Карацей кажучы, у кожнай установе прадугледжана нешта сваё, асаблівае. Таму знаходжанне ў лагеры для пачаткоўцаў атрымліваецца насычаным, цікавым. Дзяўчынкі і хлопчыкі бавяць час з задавальненнем: пазнаюць штосьці новае, актыўна ўдзельнічаюць у конкурсах, развіваюць творчыя здольнасці. І, вядома ж, аздараўліваюцца. На гэта накіраваны мінуткі здароўя, прагулкі на свежым павет-ры, вітамінізацыя, а таксама дзённы сон і якаснае харчаванне.

    Прычым такі адпачынак дзяцей у канікулярны час для бацькоў каштуе зусім танна. Як і ў папярэднія гады, на ўтрыманне школьнікаў у лагерах з дзённым прабываннем выдаткаваны датацыйныя сродкі. Па словах вядучага спецыяліста па аздараўленні па Любанскім раёне Марыі Статкевіч, іх памер вызначаны ў разліку 4,20 руб. на адзін ложка-дзень.

    Теги: 
    • {Нет тегов}