Новы штуршок для двухбаковых адносін

  • Вячаслаў Каладынскі, Браслаўская звязда 86/2018 от 10 ноября 2018 Скачать номер 20 ноября 2018 15:15 Политика Беларуская

    У яе складзе былі першы сакратар Пасольства Магдалена Сідаровіч і саветнік Аркадыуш Сарна.

    Падчас двухбаковых перагавораў, у якіх ад нашага рэгіёну ўдзельнічала кіраўніцтва раёна, а таксама былі запрошаны прадстаўнікі нацыянальнага парка, грамадскіх і дзелавых колаў, размова ішла пра пашырэнне накірункаў і маштабаў супрацоўніцтва.

    Старшыня райвыканкама Аляксандр Баданін у прывітальным слове адзначыў, што ўзаемадзеянне Браслаўшчыны з польскім бокам мае даволі багатую гісторыю і значныя вынікі. «На гэтым фоне важна не проста развіваць супрацоўніцтва, але і шукаць такія яго формы, якія б былі цікавыя і выгадныя абодвум бакам», — сказаў ён.

    І такія накірункі ёсць. Размова ідзе пра турыстычны патэнцыял нашага раёна. Чаму ў яго развіцці зацікаўлены браслаўчане, думаю, тлумачыць не трэба. Палякі ж, якія таксама праяўляюць інтарэс да гэтай сферы, дзейнічаюць у рамках сяброўскіх дамоўленасцей, дасягнутых раней. Пэўны адбітак накладае і гістарычны аспект: у вядомы перыяд Браслаўшчына была развітым цэнтрам воднага турызму.

    У гэтым русле і ішлі перагаворы. Браслаўчане прапанавалі працягнуць распачатую справу па адраджэнні ў нас паруснага, а таксама развіцці іншых відаў воднага спорту. Акрамя таго, абмяркоўвалася магчымасць стварэння сумеснага прадпрыемства па вырошчванні дзікіх траў, у чым, дарэчы, зацікаўлены бізнесколы абедзвюх краін.

    «Станоўчы вопыт узаемадзеяння ў нас ужо ёсць, — адзначыла першы сакратар польскага Пасольства Магдалена Сідаровіч. — Таму сёння трэба думаць пра новыя ідэі і шляхі іх рэалізацыі, а супрацоўніцтва польскі бок мае намер працягваць, у тым ліку падтрымліваючы сферу турызму».

    Словам, сустрэча атрымалася канструктыўнай. У яе рамках дасягнуты шэраг новых перспектыўных дамоўленасцей, рэалізацыя якіх тым не менш — справа няхуткая і ўвогуле няпростая. Аднак імкнуцца да гэтага трэба: дарогу адолее толькі той, хто ідзе. ■

    Вячаслаў КАЛАДЫНСКІ.

    Фота аўтара.

    Теги: