Целяшоўскія школьнікі ўшанавалі памяць паэта-земляка Алеся Дуброўскага

  • Галiна Мельнiкава, Маяк 99/2018 от 19 декабря 2018 21 декабря 2018 11:56 Культура Беларуская

    У дзяржаўнай установе адукацыі “Целяшоўскі дзіцячы сад – сярэдняя школа” прайшло пазакласнае мерапрыемства “Нязгасная зорка паэта”, прысвечанае памяці паэта-земляка, члена Саюза пісьменнікаў Беларусі Алеся Дуброўскага. У 2018 годзе яму споўнілася б 70 гадоў.

    Арганізавала вечар памяці настаўніца беларускай мовы і літаратуры Алена Панцялеенка разам з навучэнцамі. Вучні-біёграфы азнаёмілі прысутных з біяграфіяй вядомага земляка, а вучні-даследчыкі творчасці паэта спыніліся на выданнях яго зборнікаў. Алесь Дуброўскі выдаў тры паэтычныя зборнікі: “І будзе лета апасля…” (2005), “Непрадказальнасць дня” (2008), “Дня наступнага святло” (2010). На вялікі жаль, чацвёрты зборнік вершаў “Незабыўнае” сам паэт не пабачыў, бо 8 красавіка 2014 года сэрца песняра, шчырага творцы, сціплага чалавека, адданага сына сваёй зямлі перастала біцца.

    Вучні школы Мікалай Шындроў, Вольга Шынкарэнка, Кацярына Но-вікава з захапленнем чыталі вершы, успаміналі сустрэчы з паэтам у сценах роднай школы. Алесь Дуброўскі не забываў сваю малую радзіму, прыязджаў сюды, прыходзіў у школу. Ён падарыў зборнікі сваіх вершаў, часопісы, у якіх друкаваліся яго творы. Зараз яны займаюць ганаровае месца ў школьным музеі.

    Алена Панцялеенка расказала, што вучні падтрымліваюць сяб-роўскія адносіны з сям’ёй паэта, яго ўдавой Вольгай Іванаўнай, якая падарыла навучэнцам апошні зборнік вершаў “Незабыўнае”. Вечар памяці Алеся Дуброўскага даў магчымасць прысутным яшчэ раз адчуць гонар за сваю малую радзіму, якая ўзгадавала таленавітага паэта.

    Теги: 
    • {Нет тегов}