Верхнядзвінскія дзеці прынялі ўдзел у калядным конкурсе

  • Ірына Гусарэвіч, г. Верхнядзвінск., Дзвінская праўда №5 от 15 января 2019 15 января 2019 12:33 Калейдоскоп Беларуская

    батлейки

    4 студзеня ўжо новага года дзеці і моладзь Верхнядзвінскай парафіі прынялі ўдзел у конкурсе калядных батлеек у Віцебску, дзе паказалі свае таленты і здольнасці, а таксама паглядзелі і ацанілі выступленні іншых творчых калектываў.

    Усяго ў конкурсе ўдзельнічала 11 парафій з Віцебскай вобласці. Нашы дзеці атрымалі дыплом за ўдзел у конкурсе і ўзнагароду за найлепшыя касцюмы.

    Хочацца адзначыць, што жаданню добра прадставіць свае ролі спадарожнічала вялікае хваляванне, з якім дзеці выходзілі на вялікую сцэну, бо большасць з іх рабіла гэта ўпершыню.

    Варта падзякаваць бацькам дзяцей, якія дапамаглі падрыхтавацца да выступлення і благаславілі іх на падарожжа, а таксама нашым спонсарам, якія арганізавалі транспарт.

    Добры настрой, магчымасць навучыцца нечаму новаму, убачыць штосьці цікавае, проста пабыць разам, адарвацца ад тэлефонаў і камп’ютараў, падзяліцца ўласнымі думкамі з сябрамі – гэта найлепшы адпачынак падчас Калядных святаў. Шчыра дзякуем Богу і людзям добрай волі за такую магчымасць.

    Ірына Гусарэвіч,

    г. Верхнядзвінск.