Акцэнты расстаўлены

  • Дар’я РАБЦАВА., Голас Любаншчыны 9/2019 от 01 марта 2019 Скачать номер 04 марта 2019 10:36 Спорт Беларуская

    У мінулую суботу на Любаншчыне стартаваў раённы чэмпіянат па міні-футболе.

     Першапачаткова заяўкі на ўдзел у ім паступілі ад адзінаццаці каманд, аднак адна з іх сваю пасля адазвала. Такім чынам, у спаборніцтвах прымаюць удзел дзесяць футбольных калектываў: Юшкавіцкага, Сароцкага, Тальскага сельскіх саветаў, РАНС, сельгасліцэя, ФАЦ Любанскага раёна, тры – з ліку выхаванцаў і спартсменаў-навучэнцаў аддзялення футбола ДЮСШ Любанскага раёна (ДЮСШ-1, ДЮСШ-2, «Старс»), а таксама ўпраўлення па адукацыі, спорце і турызме (УАСіТ).

    У межах першага тура каманды правялі шэсць паядынкаў. Выратавальнікі саступілі «Старсу», каманда Юшкавіцкага сельвыканкама ўзяла верх над камандай ДЮСШ-2. Перамогай на карысць каманды ФАЦ Любанскага раёна завяршыліся матчы з камандамі Сароцкага сельсавета і ДЮСШ-1, аднак апошняя з іх аказалася мацнейшай у сустрэчы з камандай Тальскага сельсавета. Каманда УАСіТ абыграла каманду сельгасліцэя.

    Плануецца, што ў межах другога і трэцяга тураў каманды выйдуць на пляцоўку (а ёй з’яўляецца зал гульнёвых відаў спорту ФАЦ г. Любані) у суботу, 2 сакавіка.

    Теги: 
    • {Нет тегов}