Пракаціліся з ветрыкам

  • Алена Шапавалава, Пастаўскі край 2/2018 от 10 января 2018 11 января 2018 12:09 Происшествия Беларуская

    Неспакойнай выдалася навагодняя ноч для супрацоўнікаў пастаўскай міліцыі, работнікаў РАНС і медыкаў. Каля трох гадзін 1 студзеня 27-гадовы жыхар вуліцы Юбілейнай, кіруючы ў нецвярозым стане аўтамашынай “Вольва S80”, збіў устаноўлены на вуліцы Чырвонаармейскай, на пад’ездзе да плошчы Леніна, знак “Праезд забаронены” і на вялікай хуткасці ўрэзаўся ў аўтамабіль “МАЗ” райаддзела па надзвычайных сітуацыях. У выніку ДТЗ вадзіцель не пацярпеў, а вось яго жонка, якая знаходзілася на пярэднім пасажырскім месцы, з чэрапна-мазгавой траўмай і складаным пераломам левага перадплечча была шпіталізавана ў хірургічнае аддзяленне цэнтральнай райбальніцы.

    У адносінах да віноўніка аварыі, які на працягу мінулага года двойчы прыцягваўся да адміністрацыйнай адказнасці за перавышэнне хуткасці руху, узбуджана кры­мінальная справа.

     Па зводках РАУС падрыхтавала Алена ШАПАВАЛАВА.