Вясна сёлета наступіла нават раней, чым каляндар пачаў адлічваць першыя дні сакавіка. Усім хочацца верыць, што прыйшла яна не госцяй, а паўнапраўнай гаспадыняй і вяртання да зімы ўжо не будзе. Адпаведны ўзнёслы настрой стварае і ўсведамленне таго, што літаральна праз некалькі дзён наступіць свята 8 Сакавіка.
З задавальненнем адзначаеш, што ў горадзе становіцца павясноваму прыгожа і ўтульна. Намаганнямі работнікаў камунальных службаў і прыватнікаў наводзіцца парадак, знікаюць гурбы снегу і рэшткі смецця, ускапваюцца асобныя ўчасткі вуліц пад будучыя газоны. Так, наступіў час кожнаму ўзяцца за венікі, граблі, рыдлёўкі, закасаць рукавы і пачаць наводзіць парадак вакол свайго жытла, у грамадскіх месцах, там, дзе вы працуеце. І ці трэба для гэтага чакаць аб’яўлення чарговага суботніка ці масавай кампаніі? Зямля ж прагне абнаўлення. Падарыце сабе радасць ад работы на ёй. Пазбаўце сябе ад смецця, бруду, гразі. Абудзіце вясну ў сваёй душы і няхай пануе ў ёй толькі святочны настрой!
На здымку: у такім дагледжаным куточку і адпачыць прыемна. А ў вас такі ж парадак?
Фота Алены ГРОМАВАЙ.
Комментарии (0)