Сёлета зімы, можна сказаць, не было. Тэмпература паветра ў большасці была плюсавая ці крышачку ніжэй за нуль. Таму рыхтавацца да веснавых палявых работ маглі эфектыўна ўсе службы сельгаспрадпрыемстваў: на палі вывозіліся арганічныя ўгнаенні, рамантавалася тэхніка, глебаапрацоўчыя і пасяўныя агрэгаты, да высокіх пасяўных кандыцый даводзілася насенне. Подробнее
Звыклая з’ява, калі пад час прафесійнага свята супрацоўнікі атрымліваюць падарункі. Трохі інакш вырашылі адзначыць на гэты раз Дзень міліцыі праваахоўнікі раёна. Перш-наперш яны самі выступілі ў ролі дабрачынцаў. Подробнее
Гавораць, што жаночага сяброўства не бывае. Аднак, калі аднойчы давялося пабываць на станцыі абезжалезвання КУШВП ЖКГ “Жабінкаўская ЖКГ”, упэўнілася, што гэтыя радкі з песні не маюць ніякага дачынення да супрацоўніц яе вытворчай лабараторыі. Подробнее
У вядомай кінакамедыі Леаніда Гайдая “Каў-казская палонніца” таварыш Саахаў так прадстаўляе галоўную гераіню Ніну: “Студэнтка, камсамолка, спартсменка і, нарэшце, яна — проста прыгажуня”. Подробнее
Павагу выклікае той, хто не проста працягвае сямейныя традыцыі, але й праходзіць, напрацоўваючы вопыт у прафесіі, усе прыступкі службовай лесвіцы. Маёр міліцыі Яўген Самускевіч, які названы сёлета лепшым начальнікам штаба сярод раённых аддзелаў унутраных спраў вобласці, з ліку такіх. Подробнее
Васіль Рыгоравіч з кагорты тых, хто змагаўся за Айчыну, і дасюль памятае пах пораху, як і пах хлеба, выпечанага матуляй. Яго згадкі пра старую Жабінку і родныя Мышчыцы, што ў 1970 годзе сталі часткаю горада, надзвычай каштоўныя.
Размяняўшы дзясяты дзясятак, ветэран-працаўнік шчыра гаворыць: “Не спадзяваўся, што гэтак доўга пражыву”. Сведка таго, якім было мірнае і ваеннае жыццё ў розныя часы ў нашым райцэнтры і наваколлях, В.Р.Цаль дасюль удзельнічае ў выхаванні патрыятызму ў маладога пакалення, нярэдка дзеліцца сваімі ўспамінамі са школьнікамі. Сёння яны — неацэнны скарб, бо, ажыўляючы малюнкі часу, што больш не вернецца, тыя згадкі пра мінулае дапаўняюць і пашыраюць нашы веды пра былое, а ў нечым з’яўляюцца нават нечаканымі, а таму яшчэ больш цікавымі. Такія ўспаміны могуць быць карыснымі і пры стварэнні экспазіцый Жабінкаўскага раённага гісторыка-краязнаўчага музея ў Малых Сяхновічах, якія рыхтуюцца зараз.
Сёння прапануем чытачам успаміны Васіля Рыгоравіча Цаля, прысвечаныя падзеям, што адбываліся ў даваенныя часы і першы дзень ліхалецця, плануючы працягнуць расповед ветэрана ў год, калі святкуецца слаўны юбілей Вялікай Перамогі. Подробнее
Юрый Валянцінавіч Цімашук — электраманцёр лінейных збудаванняў электрасувязі і праваднога вяшчання 5 разраду лінейна-тэхнічнага ўчастка Жабінкаўскага вузла электрычнай сувязі Кобрынскага занальнага вузла электрычнай сувязі Брэсцкага філіяла РУП “Белтэлекам”. Уся ягоная 30-гадовая працоўная дзейнасць звязана з гэтай арганізацыяй, куды прыйшоў пасля заканчэння ў 1984 годзе Брэсцкага вучылішча сувязі. У хуткім часе быў прызваны ў армію, трапіў у ваенна-паветраныя войскі. Служба праходзіла ў Латвійскай ССР у горадзе Тукумсе. На працягу двух гадоў Юрый выконваў абавязкі планшэціста-аператара па адлюстраванні паветранай абстаноўкі. Гэтая справа патрабавала ад радавога Цімашука і дакладнасці, і пільнай увагі, і хуткай рэакцыі. Тут і спатрэбіліся веды, атрыманыя ў вучылішчы. Подробнее
У старажытнасці было абыходкавае выслоўе: “Усе дарогі вядуць у Рым”. У апошнія гады на айчыннай глебе яно набыло наша, беларускае, гучанне, паколькі нярэдка на самым высокім дзяржаўным узроўні гучыць думка: Беларусі як транзітнай дзяржаве, праз якую праляглі галоўныя шляхі, што злучаюць Захад з Усходам, проста неабходна шырока выкарыстоўваць выгоды свайго геаграфічнага становішча, у тым ліку і для таго, каб зарабляць грошы. Дзеля гэтага ствараюцца аграэкасядзібы, распрацоўваюцца цікавыя праекты, пракладаюцца турыстычныя маршруты, карысныя не толькі тубыльцам, але й замежным гасцям. Подробнее
Размова з галоўным урачом Жабінкаўскай ЦРБ А.І.Лаўрукевічам Подробнее
"Самае галоўнае — быць чалавечным, пакінуць свой след у жыцці" Подробнее