Дзятлаўскае таварыства ратавання на водах, раённы аддзел па надзвычайных сітуацыях і рэдакцыя газеты “Перамога” сумесна правялі рэйд па вадаёмах Дзятлава. Вынікі не здзіўляюць, але прымушаюць задумацца.
Як вядома, самыя апантаныя аматары свайго хобі – гэта паляўнічыя і рыбаловы. Не верыце? Зазірніце на бліжэйшае возера, дзе дагэтуль, нягледзячы на ўсё больш адчувальны надыход вясны, можна сустрэць прыхільнікаў зімовай рыбалкі. Подробнее
Пра інтэрв’ю з айцом Сергіем Антошкавым думала не раз. Шчыра цікавіла, як складваўся лёс чалавека, які нарадзіўся ў сям’і ваеннага, сам таксама абраў прафесіяй службу Айчыне і раптам прыняў духоўны чын.
На сустрэчу айцец Сергій прыехаў з матушкай Аленай. Яна сціпла прысела ў кутку кабінета, трымаючы ў руках куртку мужа, і слухала нашу размову, зрэдку дапаўняла аповед святара. Айцец Сергій быў у добрым настроі. Подробнее
Урачыстае адкрыццё пасля капітальнага рамонту адміністрацыйнага будынка Дзятлаўскага раёна газазабеспячэння дало магчымасць не толькі пабачыць, у якіх умовах сёння працуюць газавікі, але і даведацца, чым падмацаваны вытворчыя поспехі газавай галіны рэгіёна. На пытанні карэспандэнткі адказаў генеральны дырэктар унітарнага рэспубліканскага прадпрыемства “Гроднааблгаз” Яўген Смірноў. Подробнее
Святлана Аляксееўна Вінцукевіч працуе настаўнікам у Дварэцкай школе. У 2014 годзе яна заняла другое месца у рэспубліканскім конкурсе сярод настаўнікаў асноваў бяспекі жыцця.
Святлана Аляксееўна — яшчэ і таленавіты чалавек, майстар, які ўмее ствараць прыгажосць і вучыць гэтаму дзяцей. Яны наведваюць гурток «Мастацтва рукадзелля».
Святлана Аляксееўна ў Дварэц прыехала з Любані, адкуль родам. Талент ствараць дэкаратыўную прыгажосць сваімі рукамі яна атрымала ў спадчыну ад сваёй мамы, якая ўмела ткаць, вышываць, у тым ліку і ў тэхніцы рышэлье. Подробнее
Афганістан баліць у душы кожнага з 80 воінаў-інтэрнацыяналістаў Дзятлаўшчыны, хоць з таго часу, калі апошняя калона савецкіх войскаў пакінула афганскую зямлю, мінулі 27 гадоў.
У дзень памяці воінаў-інтэрнацыяналістаў, 15 лютага, ля помніка ў цэнтры Дзятлава сабраліся былыя “афганцы”, кіраўнікі раёна, прадстаўнікі грамадскасці, працоўных калектываў, школьнікі горада. Подробнее
Прыезд самадзейных артыстаў для вяскоўцаў заўсёды свята. Яны кідаюць хатнія справы, рыхтуюцца, хвалююцца ў чаканні ўжо знаёмага аўтобуса. А ён і ў спёку, і ў дождж, праз снежныя завеі вязе радасць, цеплыню і ўвагу, якіх так не хапае пажылым людзям, асабліва тым, што жывуць на ўскрайках вёсак або ў самых аддаленых куточках раёна, хто ўжо не мае фізічнай сілы і здароўя, каб дайсці нават да магазіна. І вось з імправізаванай сцэны льюцца песні, прыпеўкі, бойка грае гарманіст, гучаць гумарэскі і проста цёплыя словы прывітання, пажаданні здароўя, дабрабыту. Подробнее
На Дзятлаўшчыне ў першым этапе рэспубліканскай алімпіяды па вучэбных прадметах у 2015/2016 навучальным годзе, які праходзіў ва ўстановах адукацыі, прынялі ўдзел 958 разумнікаў і разумніц. У другім (раённым) этапе алімпіяды за званне лепшых спрачаліся 215 самых кемлівых навучэнцаў. Подробнее
5 лютага на Дзятлаўшчыне прайшла традыцыйная сустрэча працоўнай моладзі раёна — «Святкі. by». У мерапрыемстве прынялі ўдзел 58 маладых спецыялістаў з 13 арганізацый, прадпрыемстваў і гаспадарак раёна. Свята для іх арганізавалі аддзел ідэалагічнай работы, культуры і па справах моладзі Дзятлаўскага райвыканкама, раённы камітэт грамадскага аб'яднання «Беларускі рэспубліканскі саюз моладзі», сектар па рабоце з моладдзю раённага цэнтра культуры і творчасці пры падтрымцы прафсаюзных арганізацый. Подробнее
У тройку пераможцаў раённага этапу конкурсу «Новыя імёны Беларусі-2016», які праводзіцца з ініцыятывы Федэрацыі прафсаюзаў Беларусі, увайшла Ала Чарняўская — самадзейная артыстка, культарганізатар сектара па рабоце з моладдзю, удзельніца групы «Бархат» пры Дзятлаўскім цэнтры культуры і народнай творчасці. Сустрэўшыся з ёю, карэспандэнтка газеты папрасіла адказаць на пытанні, якія датычацца творчасці, захапленняў і мараў. Подробнее
Аксана Віктараўна Роўба — педагог-арганізатар Вензавецкага дзіцячага сада-сярэдняй школы, класны кіраўнік 10 класа. На рахунку настаўніцы і яе вучняў — паспяховы ўдзел у творчых конкурсах, праектах, калектыўныя справы, сумесныя паездкі і экскурсіі, працоўныя дэсанты. Школьныя будні ў Вензаўцы цікавыя і разнастайныя. Адкуль жа педагог-арганізатар чэрпае новыя ідэі? Подробнее