Нясвіжскі раён прыняў актыўны удзел у мерапрыемствах, якія праводзяцца ў рамках абласнога месячніка па добраўпарадкаванні, азеляненні і навядзенні парадку на зямлі.
Асноўны фронт работ разгарнуўся ў межах аўтамабільных дарог рэспубліканскага падпарадкавання. Як расказалі ў Нясвіжскім райвыканкаме, за дзесяць дзён было высаджана звыш адзінаццаці тысяч саджанцаў, і гэта работа будзе працягнута. Наступнымі месцамі пасадкі выбраны тэрыторыі абапал трасы М1 і ўчасткі хуткасных адрэзкаў дарог вакол Нясвіжа.
Трэба зазначыць, што работы па добраўпарадкаванні і азеляненні праводзіліся з дапамогай і пад пільнай увагай спецыялістаў Нясвіжскага доследнага лясніцтва ДЛГУ «Клецкі лясгас». Акрамя іх у высадцы дрэў і кустарнікаў прынялі ўдзел супрацоўнікі раённага выканаўчага камітэта, работнікі жыллёва-камунальнай гаспадаркі і іншых прадпрыемстваў і ўстаноў раёна.
Дзмітрый ЯШЧАНКА.
Комментарии (0)