Падчас акцыі “Моладзь памятае, ведае і ганарыцца”, якая прайшла на Брагіншчыне напярэдадні 100-годдзя Узброеных Сіл Рэспублікі Беларусь, ветэранам Вялікай Айчыннай вайны ўручаны юбілейныя медалі.
У нашым раёне гэтыя людзі заўсёды акружаны асаблівай увагай. І юбілейная дата стала яшчэ адной добрай нагодай, каб сказаць героям дзякуй, разам з імі ўспомніць трагічныя гады вайны і парадавацца мірнаму небу над галавой.
Так, 21 лютага старшыня раённай арганізацыі Беларускага грамадскага аб’яднання ветэранаў Любоў Дзяркач і прадстаўнікі ваенкамата Іван Кавалькоў і Віталь Камеш накіраваліся ў Камарын, каб павіншаваць ветэранаў, якія пражываюць у гарпасёлку. Там да іх далучыліся старшыня пасялковага Савета дэпутатаў Віктар Свіслоўкі і актывісты ГА “БРСМ” з мясцовай школы. Са словамі падзякі, пажаданнямі здароўя і даўгалецця медалі “100 год Узброеным Сілам Рэспублікі Беларусь” атрымалі Барыс Лявоненка, Вольга Капыцько, Мікалай Петрусевіч і Андрэй Козел.
Крыху пазней такая ж узнагарода была ўручана Васілю Нікалаенку і Аляксею Марчанку з Брагіна, а таксама Уладзіміру Кур’яну з Дубліна.
Комментарии (0)