СМИ Беларуси Печатные СМИ Міёрскія навіны
Журналісты працуюць над падрыхтоўкай штомесячных тэматычных палос—прававой, маладзёжнай, спартыўнай і іншых, з такой жа перыядычнасцю выходзіць старонка празаічных і паэтычных твораў нашых чытачоў, раз у квартал бачыць свет рэлігійная—"Святло веры”, дзе размяшчаюцца арытыкулы, якія могуць зацікавіць вернікаў каталіцкага і праваслаўнага веравызнанняў.
Адбітак на старонках газеты знаходзіць рознае жыццё. У цэнтры публікацый — чалавек з яго радасцямі і дасягненнямі, праблемамі і расчараваннямі. Менавіта таму раённая газета карыстаецца папулярнасцю ў насельніцтва Міёршчыны. У дадатак наладжана адваротная сувязь: пастаянна друкуюцца пісьмы і карэспандэнцыя чытачоў пад рубрыкай "Пошта”. Калі ліст мае праблемны характар, то адсылаецца на рэагаванне ў адпаведныя службы ці ўстановы, пасля чаго тлумачэнне і адказ друкуецца ў раёнцы, а таксама рэгулярна працуе "гарачы тэлефон" рэдакцыі, ля яго дзяжураць журналісты. Пасля вырашэння пытання, выходзіць у свет адказ пад рубрыкай "Гарачы тэлефон". "Міёрскія навіны”—для Вас і пра Вас, дарагія чытачы, не забывайцеся афармляць падпіску на наша выданне.