Запрашэнні на баль атрымалі прадстаўнікі 80 воінскіх часцей, якія дыслацыруюцца на тэрыторыі Мінскай вобласці. Лепшыя ваеннаслужачыя былі ўзнагароджаны Ганаровымі граматамі Мінскага аблвыканкама.
Усяго ў вальсе, паланэзе і мазурцы кружыліся каля 100 пар. Адным з галоўных патрабаванняў да ўдзельнікаў мерапрыемства быў дрэс-код: парадная форма для мужчын і вячэрнія сукенкі для прадстаўніц прыгожай паловы чалавецтва. Да прыезду на баль некаторыя яго ўдзельнікі спецыяльна бралі ўрокі харэаграфіі.
Ганаровыя госці ў сваіх прамовах гаварылі аб мужнасці і гераізме беларускіх афіцэраў, іх гатоўнасці выканаць свой прафесійны абавязак, дзякавалі афіцэрскім жонкам за цярпенне і разуменне спецыфікі службы іх мужоў.
Фота Аляксея ПЛАТКО.
Комментарии (0)