Такім чынам у рамках акцыі да Дня роднай мовы «Размаўляем, чытаем, спяваем па-беларуску» наведвальнікаў гандлёвай кропкі парадаваў заслужаны аматарскі калектыў РБ хор народнай песні імя В.Я. Балаханава.
Гэта стала прыемнай нечаканасцю для людзей. Паслухаць народныя песні спыняліся і стары, і малы. Усмешкі на тварах, апладысменты, здымкі на тэлефон — такая рэакцыя была у бабруйчан на тое, што адбывалася.
«Песня заўсёды патрэбна, яна будаваць і жыць дапамагае. Трэба любіць і шанаваць сваю родную мову. Гэта чароўны скарб, у якім сабраны духоўнае багацце, культура, традыцыі мудрасць нашых продкаў», – кажа стараста калектыву Валянціна Русакова.
«Я люблю беларускую мову і вельмі задаволена канцэртам, – дзеліцца ўражаннямі Тамара Дударава… – Прыйшлі з праўнукам Іванам па пакупкі, а тут такое нечаканае свята. Жадаю здароўя і творчых поспехаў удзельніам калектыву».
Спадабаўся канцэрт і Івану, як, зрэшты, і ўсім прысутным.
Комментарии (0)