У Палацы культуры Маладзечна прайшоў чацвёрты маладзёжны праваслаўны баль «Сретение-2016».
У аснове мерапрыемства духоўны складальнік. Стрэчанне — гэта сустрэча з Богам, вышэйшая, галоўная мэта чалавечай душы. Епіскап Маладзечанскі і Стаўбцоўскі Павел благаславіў прысутных і павіншаваў усіх са святам. Ён зазначыў, што назва балю «Пусть миром правит любовь» характэрная для праваслаўя: Бог ёсць Любоў.
Граматамі за актыўны ўдзел у развіцці культурнага і духоўна-маральнага жыцця Маладзечанскай епархіі былі адзначаны дырэктар Палаца культуры Святлана Сарока і кіраўнік духоўна-патрыятычнага аб’яднання «Светач» Ларыса Сысун.
Юнакі і дзяўчаты кружыліся ў «Венскім вальсе», танцавалі «Падэграс», «Гавот», «Кадрыль»… Упэўнена трымаліся курсанты Мінскага кадэцкага вучылішча №1. Выступілі самабыты музыкант Сяргея Ярука з ансамблем дудароў Лебедзеўскай музычнай школы, удзельнікі харэаграфічнай студыі гімназіі №2 з Вілейкі, невідушчыя артысты мінскага прадпрыемства Беларускага таварыства інвалідаў па зроку, многія іншыя запрошаныя.
Людміла ЦАР.
Фота: Юлія ШАБЛОЎСКАЯ.
Комментарии (0)