Выстава шкляных шэдэўраў
У Смаргонскім гісторыка-краязнаўчым музеі адбылася прэзентацыя ўнікальнай калекцыі карцін са шкла. Аўтар факсімільных шкляных работ – Аляксандр Зубрыцкі. На выставе прадстаўлены серыі “Касцёлы Беларусі” і “Пахаванні Першай сусветнай вайны”.
Прэзентавалі выставу Уладзімір Гіль і Барыс Цітовіч – блізкія сябры мастака. На вялікі жаль, сам Аляксандр Зубрыцкі памёр. Менавіта заўтра будзе 40 дзён з дня яго смерці. Сімвалічным напамінам пра гэтага надзвычай сціплага, таленавітага і бескарыслівага чалавека стала выстава яго работ. Пра тэхніку выканання расказалі мастак і заснавальнік фонда памяці Першай сусветнай вайны Барыс Цітовіч, а таксама сын творцы Вадзім Зубрыцкі.
Больш падрабязна пра выставу і надзвычай унікальныя карціны чытайце ў бліжэйшым нумары газеты “Светлы шлях”.
Комментарии (0)