9 снежня 1891 года нарадзіўся выдатны беларускі паэт, публіцыст, літаратуразнавец, перакладчык, класік беларускай літаратуры, адзін са стваральнікаў беларускай літаратуры і сучаснай літаратурнай беларускай мовы. Максім Багдановіч таксама выступаў як крытык і гісторык літаратуры. Ён з’яўляецца распачынальнікам традыцыі беларускага мастацкага перакладу.
Нізка «Места» з адзінага прыжыццёвага зборніка паэта «Вянок» з’яўляецца першым узорам урбаністычнай лірыкі ў новай беларускай паэзіі.
Спадчына Максіма Багдановіча ўвайшла ў залаты фонд беларускай культуры.
У сувязі з юбілеем з дня нараджэння выдатнага літаратурнага дзеяча на базе цэнтральнай раённай бібліятэкі ДУК “Цэнтралізаваная бібліятэчная сетка Чэрыкаўскага раёна” адкрыта выстава, прысвечаная гэтай даце. На выстаўцы прадстаўлены не толькі творы Максіма Багдановіча, але і розныя выданні з біяграфічнымі і іншымі звесткамі пра выдатнага паэта.
Дзейнічаць выстава будзе да 15 снежня.
Комментарии (0)