У 1973 годзе распачалі будаўніцтва новага мясакамбіната, якое завяршылі ў 1976 годзе. Загадам Міністэрства мясной і малочнай прамысловасці дзеючы мясакамбінат і новы ў снежні 1976 года былі аб'яднаны.
Слуцкі мясакамбінат увайшоў у групу вядучых прадпрыемстваў галіны рэспублікі, меў саюзнае значэнне. У 1995 годзе Слуцкі мясакамбінат пераўтвораны ў ААТ «Слуцкі мясакамбінат». З 2000 года ўведзены ў эксплуатацыю кансервавы ўчастак, які вырабляе да 15 відаў кансерваў.
25 лістапада ААТ «Слуцкі мясакамбінат» адзначыў сваё 40-годдзе. У гэты дзень у актавай зале прадпрыемства сабраліся работнікі і ветэраны камбіната. Сярод ганаровых гасцей – былы кіраўнік камбіната Канстанцін Антонавіч Пятровіч (узначальваў камбінат у 1986 – 1999 гадах).
– Нашаму прадпрыемству спаўняецца 40 гадоў, гэта значная для нас дата. Рыхтуючыся да свята, мы ўстанавілі памятны знак у гонар чалавека працы. Кожны з вас на сваім працоўным месцы сваёй самаадданай працай уносіць уклад у забеспячэнне харчовай бяспекі краіны, – адзначыў у сваім выступленні генеральны дырэктар ААТ «Слуцкі мясакамбінат» Генадзій Пятровіч Варанцоў. – Сёння склаліся няпростыя ўмовы ў эканоміцы, на прадпрыемстве гэтыя цяжкасці часовыя. У нас ёсць галоўнае – наш калектыў, нашы людзі. Нам ёсць чым ганарыцца. Толькі ўсе разам мы зможам вывесці наша прадпрыемства на вызначаныя рубяжы. Няхай калектыў не пакідае баявы дух, будзе запал энергіі ў тых, хто стварае гісторыю прадпрыемства.
Падчас урачыстасці перадавікам і ветэранам вытворчасці былі ўручаны ганаровыя граматы і грашовыя прэміі.
Комментарии (0)