Штогадовы мітынг ля мемарыяльнага комплексу «Шталаг-342», прысвечаны Міжнароднаму дню вызвалення вязняў фашысцкіх канцлагераў, — напамін і адначасова запавет маладому пакаленню беларусаў берагчы мір.
Сёлета намаганнямі членаў клуба «Пошук» СШ №5 пад кіраўніцтвам Лідзіі Барысаўны Князевай ўвекавечаны імёны яшчэ ста трыццаці васьмі замучаных у канцлагеры савецкіх грамадзян.
Успамінамі на мітынгу дзялілася Валянціна Паўлаўна Вежнавец. На яе лёс выпала цяжкае выпрабаванне: непаўналетняй яна трапіла ў канцлагер.
Штогод радня і блізкія былых вязняў з розных гарадоў Беларусі і краін-суседак прыязджаюць на Маладзечаншчыну, каб пакласці кветкі на мемарыяльныя пліты з родным прозвішчам. Трэці раз жыхарка Астаны Тлевужан Амарава прыязджае з Казахстана, каб пакланіцца апошняму прытулку свайго бацькі Тулеша Амарава. Сёлета разам з бабуляй упершыню прыехала ў Маладзечна яе ўнучка Маржан Ільясава.
Комментарии (0)