Велапрабег “Ад помніка да помніка”, прысвечаны Дню Перамогі, арганізавалі члены раённай арганізацыі БРСМ і дзіцячага маладзёжнага парламента. У ім удзельнічалі вучні гарадскіх школ, валанцёры Чырвонага Крыжа.
Прабег пачаўся з мітынга ля помніка загінуўшым воінам у м-не Карані. Перад сабраўшыміся выступіў намеснік старшыні райвыканкама Генадзь Бычко. Ён павіншаваў прысутных з надыходзячым святам, заклікаў не забываць тых, хто загінуў у гады вайны. Ля помніка была запалена лампада, а вучні СШ №6 усклалі кветкі.
Затым калона юных веласіпедыстаў у суправаджэнні ДАІ праехала па вуліцах горада да помніка загінуўшым воінам у цэнтры горада і мемарыяла “Пераправа”, дзе таксама былі запалены лампады памяці.
Комментарии (0)