6 мая на плошчы Леніна ў Смаргоні адбылася ўрачыстасць з нагоды Дня дзяржаўнага герба і сцяга. Права падняць яго было прадастаўлена кіраўнікам арганізацый, якія дасягнулі лепшых вынікаў у выкананні асноўных паказчыкаў сацыяльна-эканамічнага развіцця раёна – дырэктару музея-сядзібы Міхала Клеафаса Агінскага Людміле Градзіцкай і камандзіру вайсковай часці 2044 Аляксандру Маркевічу. А павіншаваў усіх прысутных з Днём дзяржаўнага герба і сцяга намеснік старшыні райвыканкама Генадзь Бычко.
Паколькі 1 мая ў Беларусі з’яўляецца Святам Працы, то старшыня райвыканкама Генадзь Харужык выказаў цёплыя словы ўдзячнасці працаўнікам Смаргоншчыны. Тыя з іх, чые фотапартрэты занесены на раённую Дошку гонару, атрымалі адпаведныя пасведчанні. Лепшыя працаўнікі былі таксама ўзнагароджаны ганаровымі граматамі, падзячнымі пісьмамі, каштоўнымі падарункамі. Узнагароды ўручыў старшыня райкама прафсаюза АПК Віталь Івашка. Плёну ў працы, здароўя і дабрабыту пажадаў смаргонцам старшыня раённага аб’яднання прафсаюзаў Вікенцій Найдзіч.
Комментарии (0)