Раённы выпускны баль, які адбыўся ў Маладзечне ў чацвер, 9 чэрвеня, стаў прыгожай уверцюрай XVI Нацыянальнага фестывалю беларускай песні і паэзіі.
Па традыцыі сотні маладзечанцаў прыйшлі паглядзець на шэсце па Вялікім Гасцінцы выпускнікоў гарадскіх і сельскіх сярэдніх навучальных устаноў. Урачыстасці праводзіліся ў школах, гімназіях і Летнім амфітэатры. Больш чым 700 адзінаццацікласнікам уручаны атэстаты сталасці. Каторы год запар неаспрэчным лідарам па колькасці медалістаў з’яўляецца гімназія №10, дзе медалі вышэйшай пробы сёлета атрымалі 11 юнакоў і дзяўчат.
… Скончыліся ўрокі, ужо ў мінулым дамашнія заданні і кантрольныя, празвінеў апошні званок, здадзены выпускныя экзамены. Але гэта хвалюючае, чаканае і адначасова крыху сумнае свята не ставіць кропку ў бесклапотным юнацтве. Гэта не фініш, а толькі пачатак самастойнага жыцця, новая старонка лёсу.
Фота Юліі Шаблоўскай.
Комментарии (0)