Лета – час рамонтаў: свята ў будні дзень
Чацвер у тэрапеўтычным аддзяленні цэнтральнай раённай бальніцы пачаўся прыгожай музыкай, віншаваннямі і добрымі зычаннямі. Пасля капітальнага рамонту палаты і ўсе астатнія памяшканні набылі прыгожы, свежы, сучасны выгляд. Камфортна адчуваюць цяпер сябе і пацыенты і медыцынскі персанал.
Заменена літаральна ўся мэбля, радуюць вока новыя ложкі і тумбачкі, у палатах з вокнамі на поўдзень устаноўлены жалюзі, новае абсталяванне з’явілася ў працэдурным кабінеце, у санвузлах і душавых.
На ўрачыстым адкрыцці аддзялення пасля рамонту прысутнічалі намеснік старшыні райвыканкама Генадзь Бычко, дырэктар РУП “ЖКГ” Міхаіл Найдзіч. Галоўны ўрач ЦРБ Сяргей Кудзяньчук падзякаваў за работу будаўнікоў і выказаў спадзяванне, што раённыя ўлады паспрыяюць завяршэнню рамонту ў хірургічным корпусе.
Музычны нумар падарыла медработнікам Ірына Кулагіна.
Комментарии (0)