Чатырнаццацігадовыя вучні Міжэвіцкай школы (тры хлопчыкі і тры дзяўчынкі) падчас урачыстага мерапрыемства, прымеркаванага да 95-годдзя з дня заснавання службы па грамадзянству і міграцыі, атрымалі свой першы дакумент ─ пашпарт грамадзяніна Рэспублікі Беларусь.
Цырымонія праходзіла ў кабінеце гісторыі Беларусі ў шчырай і добразычлівай атмасферы.
Святочнае мерапрыемства пачалося з вандроўкі ў гісторыю. Вядучыя свята расказалі прысутным, што ўпершыню пашпарт з’явіўся ў Германіі ў 15-ым стагоддзі і выдаваўся не ўсім.
Далей, першы дакумент дзецям уручыла Ірына Філіпчык, начальнік аддзялення па грамадзянству і міграцыі Слонімскага РАУС.
─ Сёння важны дзень для кожнага з вас. Атрымліваючы пашпарт, вы становіцеся паўнапраўнымі грамадзянамі Рэспублікі Беларусь. Маладым у нашай краіне дадзены вялікія магчымасці,─ сказала Ірына Мікалаеўна.
Вучні далі клятву юнага грамадзяніна. Яны паабяцалі ганарова нясці званне грамадзяніна Рэспублікі Беларусь, быць годнымі памяці дзядоў і прадзедаў.
Віноўнікаў урачыстасці павіншавала дырэктар школы Аннэта Васільеўна Аніськевічі падарыла кнігі “Я ─ грамадзянін Рэспублікі Беларусь”.
Наказ юным грамадзянам далі іх малодшыя сябры, якія распавялі аб тым, як трэба шанаваць і берагчы дакумент.
P.S. У Міжэвіцкай школе зараз займаюцца 118 чалавек, сярод іх 26 вучняў старэйшага звяна. Школу наведваюць дзеці Мяльканавіч, Пасініч, Салянікоў, Сялявіч, Зосімавіч, Вострава, Сяргеевіч, Лапухова. Хлопчыкаў і дзяўчынак на заняткі дастаўляе спецыяльны аўтобус.
Комментарии (0)