14 лютага раённы камітэт Беларускага рэспубліканскага саюза моладзі ініцыіраваў акцыю “За любімую Беларусь!”.
Маладзёжныя актывісты на вуліцах пасёлка раздалі прахожым незвычайныя “валянцінкі” – стылізаваныя чырвона-зялёныя сэрцы з подпісам “За любімую Беларусь!”. Паштоўкі сімвалізуюць любоў да роднага краю.
Удзел у акцыі прынялі вучні старэйшых класаў устаноў адукацыі раёна. Яны вырабілі плакаты ў выглядзе сэрцаў, на якіх былі размешчаны добрыя словы сябрам, аднакласнікам, роднаму пасёлку і Беларусі.
Напярэдадні Дня закаханых маладыя людзі стварылі каля дзясятка арыгінальных “валянцінак”, адрасаваных любімым музыкантам, артыстам, спартсменам, мастакам, вучоным, тэлевядучым, палітыкам. Большасць з іх прызначана для біятланісткі Дар’і Домрачавай, тэнісістаў Максіма Мірнага і Вікторыі Азаранка, спевака Тэо. Паштоўкі будуць перададзены адрасатам праз абласны камітэт БРСМ.
Комментарии (0)