29 Марта, 2024 Пятница

Страйкбольный клуб «Пилоты» провел игры в Пружанском районе

  • 29 июня 2015 Спорт Беларуская 0

    У раёне прайшлі традыцыйныя гульні страйкбольнага клуба «Пілоты».  Паўдзельнічаць у іх былі запрошаны каманды з Брэста і Бярозы.

    Як расказвае актыўны ўдзельнік клуба і ініцыятар яго стварэння Дзмітрый Зайкоў, на гэты раз у якасці пляцоўкі была выбрана тэрыторыя былой вайсковай часці каля возера Гута.

    Па сюжэце, які традыцыйна тэматычна адносіўся да часоў Вялікай Айчыннай вайны, савецкім дыверсантам разам з партызанамі неабходна было захапіць фашысцкую лабараторыю і ўзяць жывым «прафесара», які кіруе працэсам.

    У гульні — строгія правілы, якія выконваюцца ня-ўхільна. Гэта тычыцца экіпіроўкі ігракоў, у якіх абавязкова павінен быць бронекамізэлька і акуляры, якія абараняюць вочы. Страйкбол у многім адрозніваецца ад пейнтбола. Па-першае, тут выкарыстоўваецца зброя, амаль аналагічная дзеючай. Боепрыпасы — металічныя шарыкі выстрэльваюць на дастаткова вялікую адлегласць і могуць няслаба ўдарыць. 

    Па-другое, перад гульнёй усе яе ўдзельнікі абавязкова праходзяць тэрыторыю, дзе будзе разварочвацца падзея, асабліва разглядаюцца небяспечныя месцы, якія нясуць рызыку траўміравання, і агаворваюцца меры ўласнай бяспекі.

    Па-трэцяе, страйкбол лічыцца гульнёй сумленных, бо можна не прызнаваць «раненне» або «гібель», таму што металічны шарык не пакідае на адзенні слядоў.

    Самае галоўнае, што нясе такі занятак — атрыманне зараду бадзёрасці ад актыўнага ладу жыцця, пошук новых сяброў і знаёмстваў, а яшчэ магчымасць даказаць сабе, што ты дастойны абаронца.

    Але вернемся да апошняй гульні. Дык вось, перамаглі ў ёй пружанскія «Пілоты», якія здолелі ў начным супрацьстаянні адолець саперніка і ўзяць «прафесара» жывым.

    Автор: Олег СидоренкоРаённыя будні

Комментарии (0)