Удзельнiкам урачыстасцей з нагоды 125–годдзя з дня нараджэння Максiма Багдановiча
Дарагiя сябры!
Сардэчна вiншую вас са 125–годдзем з дня нараджэння Максiма Багдановiча — нашага сусветна вядомага i паважанага паэта.
Яго вытанчаныя, дасканалыя вершы, якiя вызначаюцца майстэрскiм выкарыстаннем вобразна–выяўленчых сродкаў, пранiкненнем у духоўны свет чалавека i высокай культурай слова, па праву прызнаны адной з вяршынь еўрапейскай паэзii XX стагоддзя.
Сваёй дзейнасцю пясняр заклаў падмурак беларускай нацыянальнай эстэтыкi, унёс вялiкi ўклад у фармiраванне лiтаратурнай мовы i станаўленне патрыятычнай свядомасцi народа. Таму сёння мы, грамадзяне суверэннай дзяржавы, павiнны шанаваць i захоўваць тое, дзеля чаго працаваў наш знакамiты зямляк, — гiстарычную памяць, роднае слова, моцную краiну.
Упэўнены, урачыстасцi з нагоды 125–годдзя Максiма Багдановiча паспрыяюць умацаванню еднасцi грамадства i ўслаўленню творчых талентаў нашага народа.
Жадаю вам, дарагiя сябры, здароўя, шчасця i поспехаў у высакародным служэннi Радзiме.
Прэзiдэнт Рэспублiкi Беларусь
Аляксандр Лукашэнка.
Комментарии (0)