Вытворчасць валавай прадукцыі ў цэнтральным рэгіёне Рэспублікі Беларусь, Мінскай вобласці, за 2015 год склала 33,4 трыльёна рублёў або 100,4 працэнта да 2014 года. У сельскагаспадарчых арганізацыях – 26,5 трлн. рублёў (102,2%).
Асноўным рэзервам нарошчвання вытворчасці прадукцыі аграпрамысловага комплексу з’яўляецца жывёлагадоўля.
У сельскагаспадарчых арганізацыях забяспечаны значны рост рэалізацыі жывёлы і птушкі на забой ( у жывой вазе) 421,1 тыс. тон або 117,3% да ўзроўню папярэдняга года. Вытворчасць малака павялічылася на 6,2% і склала 1587,2 тыс. тон.
Вытворчасць зерневых і зернебабовых культур (у вазе пасля дапрацоўкі) у сельскагаспадарчых арганізацыях па выніках мінулага года склала 2059,4 тыс. тон (97,4% да 2014 года), бульбы – 279 тыс. тон (103,4%), цукровых буракоў – 1217,9 тыс. тон (80,2%).
Працягваецца работа па нарошчванні пагалоўя асноўных відаў жывёлы. На 1 студзеня 2016 г. у сельскагаспадарчых арганізацыях у параўнанні з адпаведнай датай папярэдняга года колькасць кароў павялічылася на 700 галоў (0,2 %), свіней – на 51900 галоў (8%).
У межах рэалізацыі планаў мадэрнізацыі галіновай базы праводзяцца мерапрыемствы па тэхнічным пераабсталяванні сельскагаспадарчай вытворчасці, рэалізацыі інвестыцыйных праектаў, накіраваных на павышэнне яе эфектыўнасці.
У 2015 годзе сельскагаспадарчымі арганізацыямі рэалізавана 25 праектаў. Напрыклад, адкрытым акцыянерным таварыствам “БарысаўСаюзАгра” пабудавана малочнатаварная ферма на 600 галоў дойнага статка (в. Аздзяцічы). ААТ “Агракамбінат “Дзяржынскі” пабудаваў МТФ на 1000 галоў у в. Вязынка Дзяржынскага раёна. ААТ “Лань Нясвіж” узвёў МТФ “Міцькавічы” на 600 галоў дойнага статка і інш.
УКЛАД БЯРЭЗІНШЧЫНЫ
Па выніках уборачнай кампаніі 2015 года валавы намалот зерневых і зернебабовых культур у Бярэзінскім раёне склаў 6694 тоны (93% да 2014 г). Кожны гектар іх плошчы даў у сярэднім па 33 цэнтнеры з гектара.
Дзейнасць сельскагаспадарчых прадпрыемстваў аграпрамысловага комплексу Бярэзіншчыны накіравана ў асноўным на вытворчасць прадукцыі жывёлагадоўлі. Па выніках 2015 года пагалоўе буйной рагатай жывёлы ў раёне склала 32512 галоў, або 106,6% да папярэдняга года. Дарэчы, перадавая па нарошчванні БРЖ гаспадарка, ААТ “Багушэвічы”, за гэты час павялічыла свой паказчык па колькасці жывёлы на 10,6%. У тым ліку колькасць кароў у грамадскім сектары жывёлагадоўлі раёна летась была даведзена да 10857мі галоў (100,7%).
Валавая вытворчасць малака склала 45984,7 тоны (113,8% да папярэдняга адпаведнага перыяду і 102,6 – да дзяржаўнага задання). Удой ад каровы таксама істотна перавысіў фактычную лічбу 2014 года, дасягнуўшы 4363х кілаграмаў замест 4138 папярэдніх (105,4% да задання). Перадавая гаспадарка ў гэтым накірунку дзейнасці, ААТ “Месціна”, удой ад каровы павялічыла на 17,6% да запраграмаванага паказчыка. Раён рэалізаваў 41564,3 тоны малака (115,1%).
Вырашчана 4365,8 тоны буйной рагатай жывёлы або 115,2% да папярэдняга. Пры гэтым некалькі перавыкананы прагнозны паказчык. Дасягнуўшы за гэты час 4108,1 тоны валавой прывагі, раён папрацаваў з павелічэннем адносна папярэдняга паказчыка на 14,8%. Кожная жывёліна на працягу сутак летась прыбывала ў сярэднім на 557 грамаў. Рост склаў 8,1% да папярэдняга. Сярэднераённы паказчык рэалізацыі БРЖ дасягнуў 3093,2 тоны (117,8%).
За плённую працу па вытворчасці малака летась Бярэзінскі раён прызнаны пераможцам абласнога спаборніцтва.
Вытворчая база сельскай гаспадаркі раёна сёння вырасла ў маштабны аграпрамысловы комплекс з сучасным тэхналагічным аснашчэннем. У сферы абслугоўвання раслінаводчай галіны – гэта магутная камп’ютарызаваная тэхніка, у першую чаргу трактары ФЭНДТ, а таксама МТЗ3022, укамплектаваныя адпаведнымі прычапнымі агрэгатамі. На аснашчэнні сельскагаспадарчых прадпрыемстваў знаходзіцца высокапрадукцыйная корманарыхтоўчая тэхніка. Хлебаробы Бярэзіншчыны ўдзячны айчынным вытворцам высакакласных зернеўборачных камбайнаў КЗС1218. У мінулым годзе, напрыклад, дзякуючы падтрымцы дзяржавы, у гаспадаркі раёна паступіла 36 трактароў мадыфікацый МТЗ1221 і МТЗ82, зернеўборачны камбайн КЗС1218, восем грузавікоў МАЗ6501 і зернесушыльны комплекс ЗСК30ШЖ.
Даволі плённым аказаўся мінулы год ва ўдасканальванні жывёлагадоўчай вытворчай базы. Скарыстоўваючы праекты Слуцкага філіяла ПІПК “Мінсксельбуд”, за кошт выдзеленых з бюджэту сродкаў, а таксама, асвойваючы ўласныя грошы, у ААТ “Багушэвічы” на цэнтральнай МТФ быў пабудаваны кароўнік, а таксама памяшканне для ўтрымання цялят на ферме ў вёсцы Матылянка гэтай гаспадаркі, будаўніцтва якога пачыналася ў 2014 годзе. Пабудаваны кароўнікі таксама ў ААТ “Першамайскі” (в. Мікулічы), на малочнатаварным комплексе “Брадзец” ААТ “Брадзец”, МТФ “Месціна” ААТ “Месціна”, МТК “Лешніца” ААТ “Пагосцкі” і інш. У той час быў рэканструяваны цялятнік у вёсцы Дубраўка ААТ “Бярэзінскі”. Будаўніцтва дадзеных аб’ектаў вялося сіламі падраднай арганізацыі Бярэзінскай ПМК 182.
Усё зробленае ў плане абнаўлення і расшырэння вытворчай базы нашых сельскагаспадарчых прадпрыемстваў, вядома, павінна паўплываць на рост аб’ёмаў вытворчасці сельскагаспадарчай прадукцыі ў далейшым.
Фота Алены ГРОМАВАЙ.
Комментарии (0)