Пад такой назвай 31 мая, напярэдадні Дня абароны дзяцей, адбылося святочнае мерапрыемства для бярэзінскай дзятвы і бацькоў.
У зоне адпачынку, ля возера, хлопчыкаў і дзяўчынак чакала шмат цікавых забаў і захапленняў, спартыўных момантаў і творчых хвілін.
Заклікалі да сябе пазабавіцца самыя розныя атракцыёны, гушкалкі, электрамабілі, бяспройгрышныя латарэі, вясёлыя гульні. Працавалі выставыпродажы вырабаў бярэзінскіх майстроў з раённага Цэнтра рамёстваў. Гучала музыка, на імправізаванай сцэне спявалі юныя артысты.
Увагу многіх хлопчыкаў і дзяўчынак прыцягвалі работнікі раённага аддзела па надзвычайных сітуацыях, якія ахвотна дэманстравалі магчымасці баявой тэхнікі. Дзеці пабачылі, як працуюць бензарэз і гідраўлічныя нажніцы, прымяралі шлемы і процівагазы.
Работнікі гарадской бібліятэкі прапаноўвалі “сказкималютки на 23 минутки”, сустрэчы з казачнымі персанажамі, а таксама прапаноўвалі юным мастакам намаляваць іх на своеасаблівым “мальберце”.
Я вельмі люблю чытаць, паспявае расказаць пра сябе Каця Губчэўская, прымяраючы шлем выратавальніка, мне нават выдалі залаты фармуляр, як пастаяннаму і актыўнаму чытачу бібліятэкі.
Прыехаўшая на свята з Клічава Магілёўскай вобласці майстрыха Беларускага саюза майстроў народнай творчасці Валянціна Міхайлаўна Нікіціна давала майстарклас для жадаючых па стварэнні лялькіспавіванкі, якая з’яўляецца своеасаблівым абярэгам.
Кожны мог знайсці забаву на свой густ і настрой. Час бег пазнавальна, весела і хутка. І, напэўна, запомніцца і дзецям, і дарослым надоўга.
На здымках: на свяце дзяцінства маленькаму Міхасю разам з бабуляй было цікава ўсё; Каця Губчэўская ля выратавальнай машыны; гульні з пальчаткамі; цікава было і тым, хто гушкаўся, і тым, хто проста назіраў.
Фота аўтара.
Комментарии (0)