На календары роўна сярэдзіна снежня, час весці адлік апошнім дням адыходзячага года і рыхтавацца сустракаць новы. Зіма, на жаль, пакуль не радуе нас снегам, аднак святочны настрой ствараюць разнастайныя навагоднія ўпрыгажэнні. Замільгалі агеньчыкамі і гірляндамі магазіны, прывабліваючы зайсці і зрабіць небходныя пакупкі. Загадзя падрыхтавацца да свята запрашае не толькі знешні антураж. Пераднавагодні час найбольш актыўны ў плане разнастайных акцый, распродажаў, скідак. Нямала іх падрыхтавалі магазіны Бярэзінскага райспажыўтаварыства.
Не ў апошнюю чаргу кожны з нас думае пра святочны стол, таму ўжо зараз можна прыцаніцца і пакаштаваць нямала прадуктаў. На працягу снежня, як паведаміла намеснік старшыні райспажыўтаварыства В.І. Барысевіч, многія магазіны горада правядуць выставыдэгустацыі розных вытворцаў, у тым ліку Барысаўскіх “Здравушкамілк” і мясакамбіната, ААТ “Камунарка”, Пухавіцкага мясакамбіната і некаторых іншых. Дакладна пра дзень выставыдэгустацыі можна будзе даведацца з інфармацыі, размешчанай у гандлёвых аб’ектах.
Прадастаўлены ў магазінах акцыйныя і брэндавыя пакеты тавараў са зніжэннем цэн як за кошт вытворцаў, так і гандлю на асобны асартымент кандытарскіх вырабаў шакалад, зефір, цукеркі, пячэнне, а таксама прадуктаў, без якіх звычайна не абыходзіцца навагодні стол кансерваваныя гарошак, кукуруза і ананасы, маянэз, каўбасныя вырабы, чай, кава. Усе гэтыя тавары пазначаны жоўтымі ярлыкамі.
Не толькі дзеці, але і дарослыя не могуць уявіць Новы год без падарункавых набораў з цукерак. Ва ўсіх прадуктовых магазінах раёна прапануюць вялікі выбар разнастайных падарункаў на любы густ ад буйных беларускіх вытворцаў кандытарскіх фабрык «Камунарка», «Спартак», «Чырвоны харчавік». Па жаданні пакупнікоў падарункавыя наборы могуць сфарміраваць і ў магазіне на густ і запатрабаванне кожнага.
Для ўсіх, каму даспадобы вырабы бярэзінскіх кандытараў, у перадсвяточныя снежаньскія дні гандлёвыя прадпрыемствы прапануюць і выставупродаж кандытарскіх вырабаў уласнай вытворчасці. Будуць наладжаны выставыпродажы агародніны і садавіны, мясных прысмакаў, фірменных салатаў ад майстраповара кулінарных вырабаў.
Падарункі ў выглядзе скідак падрыхтавалі сваім наведвальнікам цэнтральныя магазіны горада універсам, «Перекресток», «Березинский». У залежнасці ад кошту пакупкі тут прадаставяць скідкі да 5 працэнтаў.
Самы час адправіцца і за абноўкамі, падарункамі да свята родным і блізкім.
Ужо 19 снежня, расказвае Валянціна Іванаўна, на адзіны дзень скідак не менш за 15 працэнтаў на нехарчовыя тавары запросяць Дом гандлю ў Беразіно, прамысловагаспадарчыя і прамысловыя магазіны ў Паплавах, Пагосце, Багушэвічах і Любушанах. У гэтых жа магазінах пройдзе нямала іншых акцый. Адна з іх пры здзяйсненні пакупкі на 1,5 мільёна рублёў скідка на 10 працэнтаў пры наступнай пакупцы. 20 снежня ў Доме гандлю пакупнікоў будзе чакаць “Ноч скідак”, калі тавары можна набыць на 1520 працэнтаў танней, да таго ж, і пасля звычайнага рэжыму работы магазіна, ён будзе падоўжаны.
Багатыя гэтыя пераднавагоднія дні і на разнастайныя пашыраныя распродажы ў Доме гандлю мадэльнага абутку вытворчасці «Марка», вырабаў Барысаўскага хрустальнага завода і Добрушскай фарфоравай фабрыкі, бялізнавага трыкатажу вытворчасці «Маркфармэль», карсетных вырабаў ад «Мілавіцы». Сумесны калядны распродаж прапануе Дом гандлю разам з ААТ «Галантэя» са зніжэннем кошту на 10 працэнтаў і Мінскім гадзіннікавым заводам «Луч» скідка 20 працэнтаў.
Практычна ў кожным доме, у кожнай кватэры хутка замільгаюць агеньчыкамі святочныя ялінкі. Упрыгажэнні для галоўнай навагодняй прыгажуні таксама можна набыць на пашыраных распродажах, тут жа прапануюць розныя сувеніры, маскарадныя касцюмы, парфумнакасметычныя тавары.
Свой падарунак чакае кожны з нас пад елачкай на Новы год. Дзеці звычайна заказваюць у Дзеда Мароза цацкі, а, магчыма, і цікавую кнігу. Менавіта на гэтыя тавары пры здзяйсненні пакупкі на 200 тысяч рублёў і больш будзе прадастаўлена скідка на 5 працэнтаў падчас акцыі «Падарункі ад Дзядулі Мароза», якая праходзіць у Доме гандлю.
На больш важкія набыткі, пры пакупцы не менш чым на 2 мільёны рублёў, райспажыўтаварыства прадастаўляе беспрацэнтныя пазыкі на 3 месяцы.
Чакаем мы на Новы год не толькі падарункаў, але і цуда верым, спадзяёмся, загадваем пажаданні. Не сакрэт, што і самі іншы раз становімся чараўнікамі, калі дапамагаем здзейсніць мары. Традыцыйнай становіцца ў Доме гандлю горада Беразіно акцыя «Дары дабро, стань Дзедам Марозам», калі кожны з нас мае магчымасць купіць і пакласці ў спецыяльную карзіну свой падарунак. Перад святам гэтыя падарункі будуць перададзены і прынясуць радасць дзецям з Цэнтра карэкцыйнаразвіваючага навучання і рэабілітацыі, якія пакінулі на елачцы свае пісьмы.
24 і 30 снежня на цэнтральнай плошчы горада пройдуць перадсвяточныя кірмашы, куды бярэзінцаў запросяць гандлёвыя рады з таварамі на любы густ.
Імкліва ляціць час. Практычна непрыкметна мінуў цэлы год, што ўжо казаць пра лічаныя дні. Дні, калі мы, кожны па свойму, актыўна рыхтуемся да Новага года. Хаця і ў клопатах, аднак няхай яны прынясуць толькі радасць і прыемныя хвіліны. Падарункі, якія прадастаўляе ў перадсвяточныя дні гандаль, дзеля гэтага якраз дарэчы.
На здымках: прадавец універмага Алена Міхайлаўна Заблоцкая; у магазіне “Бярэзінскі” – загадчыца Святлана Іванаўна Саскавец і прадавец Тамара Яўгенаўна Фясун; у спецыяльнай карзіне ўжо ёсць падарункі ад бярэзінцаў – загадчыца аддзела Дома гандлю Вольга Уладзіміраўна Глазоўская.
Фота аўтара
і Алены ГРОМАВАЙ.
Комментарии (0)