СМИ Беларуси Печатные СМИ Прамень
На свет газета з’явілася на пяты дзень пасля ўз’яднання Заходняй Беларусі з БССР пад назвай «Знамя». А яшчэ праз пяць дзён верасня 1939-га, з друку выйшаў другі нумар стаўбцоўскай «раёнкі». Ён ужо быў цалкам беларускамоўны і меў іншую назву — «Голас селяніна». Гэта быў друкаваны орган стаўбцоўскіх райкама Кампартыі і райвыканкама.
У ліпені 1943 года газета «Голас селяніна» пачала выходзіць у падполлі, у адным з партызанскіх атрадаў, якія дзейнічалі на тэрыторыі Налібацкай пучшы. У 1962-1963 гадах, у сувязі са стварэннем у Беларусі калгасна-саўгасных вытворчых упраўленняў, адбылося аб’яднанне некалькіх «раёнак» у адно рэгіянальнае выданне. Менавіта ў гэты час адбылося перайменаванне газеты, якая, пачынаючы з 1 мая 1962 года, стала выходзіць пад назвай «Прамень» у якасці друкаванага органа Мінскага абкама КПБ і аблсавета і распаўсюджвалася на тэрыторыі Стаўбцоўскага, Уздзенскага і Дзяржынскага раёнаў. Аднак так званы міжрэгіянальны газетны эксперымент не ўдаўся, і ў сакавіку 1963 года на Стаўбцоўшчыне зноў з’явілася свая «раёнка» пад ранейшай назвай — «Прамень».
На старонках газеты спрабавалі сваё пяро пісьменнікі і паэты Мікола Маляўка, Казімір Камейша, Генрых Далідовіч, Уладзімір Мархель, Яўген Хвалей, Алесь Камароўскі і іншыя.